Quest’annu a Ghjuventù Paolina festighjeghja i so 18 anni d’esistenza è ghjè l’uccasione per noi di ramintà vi a nostra andatura, ciò chì noi vulemu fà per voi è per l’Università di Corsica.
A Ghjuventù Paolina si cumpone di studienti chì travaglianu per u sviluppu di l’Università, ma sopra tuttu per u vostru benestà d’ogni ghjorni è a vostra inserzione prufessiunale. U nostru sindicatu rispetta a regula d’indipendenza sindicale, ben chì noi siamu di a mossa naziunalista corsa è pronti à travaglià cù tutti quelli chì volenu fà avanzà l’Università è a Corsica.
A dimu torna una volta, simu per l’ufficializazione di a lingua corsa è a so pratica in tutti i duminii di a sucietà.
Quest’annu, frà altri prughjetti:
1) Avemu a vulintà di cuntinuà u nostru travagliu contr’à a vita cara
o Emu dighjà uttenutu 610 000€ di à CTC per auità i studienti bursieri è 2 cuntratti di più per i dutturanti. Issi dui punti annu da esse vutati da l’Assemblea di Corsica da quì à a fine di u mese di sittembre.
o Emu da pruvà à ottene una reduzzione di 10% in u magazenu Casino per i studienti.
2) Avemu a vulintà di fà cresce a cundizione di vita di i studienti
o Emu da suvità l’avanzamentu di a custruzzione (chì hà dighjà cuminciatu) per avè u più prestu pussibile a nostra nova bibliuteca.
o Infine pruveremu cù u vostru aiutu, à ottene a custruzzione di a Casa di u studiente, per chì l’associi studientini possinu dispone di una grenda salla di e feste per pudè urganizà e so varie manifestazione è di scagnii per pudè travaglià à cristianinu.
3) Lotteremu contr’à a droga
o Un seremu mai muti davant’à u periculu ch’ella raprisenta a droga per u nostru populu è feremu azzione cun altri per luttà è distruisce issa calamità.
4) Ci vole à mubilizà si contr’à l’utilisazione di u « fioul lourd » ind’e centrale termiche di Corsica
o Una serata sarà urganizata in giru à issu tema per aiutà u culletivu contr’à u « fioul lourd » per l’azzione ghjuridiche è altre.
S’è v’avete un qualunque prublema cù e sferente cumpunente, cù l’amministrazione, cù i vostri prufessori, cù i vostri pruprietarii o s’è vi vulete impignà in a vita sindicale, ci pudete truvà tutti i mercuri sera à partesi da sei ore è mezu à u nostru lucale (accantu à a LMDE, di pettu à u R.U.) o puru chjamà ci à issu numeru 06 50 76 31 72.
