Ghjuventù Paolina - Foru

strada diritta è core in fronte..

Archivi di u mesu di sittembre di u 2007


Alanu Nicoli si n’hè andatu

Piunieru di u gruppu Canta u populu corsu, militanti dapoi a prima ora, Alanu Nicoli si n’hè andatu.

Ghjuventù Paolina vole ringrazià lu è sprime e so cunduglianze è u so sustegnu à tutti i so cari.

Cunfarenza di stampa di a Cunsulta Naziunale

A Cunsulta Naziunale tenerà una cunfarenza di stampa in Bastia u sabbatu 6 d’uttobre à a Posta Vechja à 10 ore di mane, per annuncià u referendum nantu à a terra è u fundariu u 9 di dicembre di u 2007.

A Ghjuventù Paolina chjama tutti i so militanti à assiste à sta cunfarenza per difende u populu corsu è a ghjuventù corsa di e speculazione fundarie è immubiliare.

Difatti, di pettu à stu prucessu di spussessu di a nostra terra per via di a mundializazione è di a regula di a pruposta è di a dumanda, u nostru sindicatu, chì participeghja di modu attivu à a Cunsulta Naziunale è sustene a dimarchja, dumanda à i so membri è militanti di vutà à favore di una lege nantu à a terra chì permetteria di riservà a terra corsa à u nostru populu o à quelli chì campanu quì dapoi 10 anni è chì ricunoscenu è rispettanu a nostra identità.

Tutti in Bastia stu 6 d’uttobre di u 2007, per a salvezza di u nostru populu.

VERGOGNA À TÈ CHÌ VENDI A TERRA

TERRA CORSA À I CORSI.

BASTA A SPECULAZIONE

Assemblea Generale di rientrata di u 2007

Ce 24/09/07 s’est tenue l’Assemblée Générale Ordinaire de notre syndicat étudiant, a Ghjuventù Paolina, durant laquelle a été votée le nouveau bureau du syndicat pour l’année universitaire 2007/2008.
En voici le Procès Verbal envoyé à la sous-préfecture de Corte.
En plus de cela, a été adopté à l’unanimité la tenue de réunion hebdomadaire le mercredi à partir de 18h30 au local du syndicat (à coté de la LMDE, en face du Restaurant Universitaire).
De plus, en cas de problème urgent, un numéro est mis à disposition des étudiants: 06 20 84 68 00.

Ghjuventù Paolina
Université Pascal Paoli de Corse
20250 Corte
Leghje a seguita »

U prublema di e cuntravenzione

Dapoi a rientrata, ci simu avvisti chì a pulizza municipale curtinesa mettia assai assai cuntravezione in cità, è ancu certe volte senza ch’elle fussinu ghjustificate (nantu à terreni di particulari per esempiu). È dunque ne mettianu ancu à i studianti di l’Università chì ùn truvavanu micca piazza, postu chì piazza oghje in Corti, ùn ci n’hè.

Difatti, u parcu vitturaghju di Corti ùn currisponde mancu à pena à u bisognu quand’ella hè aperta l’Università, sopratuttu dapoi u principiu di a custruzzione di u parking Tuffelli, è dunque u nostru sindicatu ùn truvava micca ghjustu chì a pulizza municipale mettissi cuntravenzione senza tene contu di u mancu tremendu di piazza per ingarassi in cità.

Hè per quessa ch’è no ci simu trovi cù u Merre di Corti, u signore Sindali, stu marti 25 di sittembre di u 2007 à a merria di Corti.

Leghje a seguita »

Rientrata universitaria di u 2007

Quist’annu a Ghjuventù Paolina festighjeghja i so 15 anni d’esistenza è ghjè l’uccasione per noi di ramintà vi a nostra andatura, ciò ch’è no vulemu fà per voi è per l’Università di Corsica.
Leghje a seguita »


Coolportal.net
The domain coolportal.net may be for sale. Click here for details.
This domain may be for sale. Buy this Domain